ഡാ​ഫ്നെ ദു ​മോ​റി​യ​ർ - സ്വ​ത​ന്ത്ര പ​രി​ഭാ​ഷ

എ​ട്ടു മ​ണി​യാ​യി​ട്ടും ഞാ​ൻ ബെ​ഡി​ൽ​നി​ന്ന് എ​ഴു​ന്നേ​റ്റി​ല്ല. ശ​രീ​രം ഉ​ണ​ർ​ന്നെ​ങ്കി​ലും മ​ന​സ് ഉ​ണ​ർ​ന്നി​ല്ല. ക്ലാ​രീ​സ് എ​പ്പോ​ഴോ കൊ​ണ്ടു​വ​ന്നു​വ​ച്ച ചാ​യ ന​ന്നേ ത​ണു​ത്തു​പോ​യി. എ​ങ്കി​ലും എ​ഴു​ന്നേ​റ്റ് അ​തു കു​ടി​ച്ചു. ഇ​ന്ന​ലെ​യു​ണ്ടാ​യ ദു​ര​നു​ഭ​വ​ങ്ങ​ളും മാ​ക്സി​മി​ന്‍റെ അ​സാ​ന്നി​ധ്യ​വും എ​ന്നെ വേ​ദ​നി​പ്പി​ക്കു​ന്നു. മാ​ക്സിം ബെ​ഡ്റൂ​മി​ൽ ക​യ​റി​വ​ന്നി​ട്ടി​ല്ല.

നി​ശാ​വ​സ്ത്രം മ​ട​ക്കു​നി​വ​ർ​ത്താ​തെ അ​തേ​പ​ടി കി​ട​ക്കു​ന്നു. ചാ​യ കൊ​ണ്ടു​വ​ന്നു​വ​ച്ച ക്ലാ​രീ​സ് അ​തു ശ്ര​ദ്ധി​ച്ചു​കാ​ണു​മോ? മ​റ്റു ജോ​ലി​ക്കാ​രി​ൽ ഈ ​വാ​ർ​ത്ത പ​ര​ക്കു​മോ? ഞാ​നും മാ​ക്സി​മും ത​മ്മി​ൽ വ​ഴ​ക്കാ​ണെ​ന്നു ധ​രി​ക്കു​മോ? അ​ങ്ങ​നെ​യൊ​രു ചി​ന്ത​പോ​ലും മ​റ്റു​ള്ള​വ​രി​ൽ ത​ല​പൊ​ക്കാ​തി​രി​ക്കാ​നാ​ണ് ഞാ​നി​ന്ന​ലെ നീ​ല​വ​സ്ത്ര​മ​ണി​ഞ്ഞു താ​ഴേ​ക്കു ചെ​ന്ന​ത്. അ​തു ബി​യാ​ട്രീ​സി​നെ അ​നു​സ​രി​ക്കാ​നോ മാ​ക്സി​മി​നെ സ​ന്തോ​ഷി​പ്പി​ക്കാ​നോ അ​ല്ല- മാ​ൻ​ഡെ​ർ​ലി​യു​ടെ മാ​നം കാ​ക്കാ​ൻ!

ഞാ​ൻ ജ​നാ​ല തു​റ​ന്നു. വെ​ളി​യി​ൽ ജോ​ലി​ക്കാ​രു​ടെ ശ​ബ്ദ​ങ്ങ​ൾ. മു​റ്റ​ത്തും ലോ​ണി​ലും റോ​സ് ഗാ​ർ​ഡ​നി​ലും മ​റ്റും ചി​ത​റി​ക്കി​ട​ക്കു​ന്ന പ​ഴ​ത്തോ​ടു​ക​ളും സി​ഗ​ര​റ്റു കു​റ്റി​ക​ളും വെ​ടി​ക്കെ​ട്ടി​ന്‍റെ അ​വ​ശി​ഷ്ട​ങ്ങ​ളും തോ​ട്ടം ജോ​ലി​ക്കാ​ർ തൂ​ത്തു​വാ​രി നീ​ക്കു​ന്നു. മേ​ശ​ക​ളും ക​സേ​ര​ക​ളും മാ​റ്റി​ക്കൊ​ണ്ടി​രി​ക്കു​ന്നു. സാ​ധ്യ​ത കു​റ​വാ​ണെ​ങ്കി​ലും അ​വി​ടെ മാ​ക്സിം നി​ൽ​ക്കു​ന്നു​ണ്ടോ എ​ന്നു നോ​ക്കി. ഇ​ല്ല. അ​വി​ടെ​യി​ല്ല. മാ​ക്സി​മി​ന്‍റെ മ​ന​സി​ലും ഞാ​നി​ല്ല.

എ​ങ്കി​ലും മ​റ്റു​ള്ള​വ​രു​ടെ ദൃ​ഷ്ടി​യി​ൽ അ​ങ്ങ​നെ​യൊ​രു തോ​ന്ന​ലു​ണ്ടാ​വാ​ൻ പാ​ടി​ല്ല. പു​ക​യു​ന്ന ചി​ന്ത​ക​ളും നീ​റു​ന്ന നൈ​രാ​ശ്യ​വും മ​ന​സി​ലൊ​തു​ക്കി മാ​ൻ​ഡെ​ർ​ലി​യു​ടെ ഒ​രു മൂ​ല​യി​ൽ ഞാ​ൻ ക​ഴി​ഞ്ഞോ​ളാം. മ​റ്റൊ​രു മൂ​ല​യി​ൽ മാ​ക്സി​മും ക​ഴി​യ​ട്ടെ. എ​ന്‍റെ​നേ​രേ മൃ​ദു​ല​ഭാ​വം പ്ര​ക​ടി​പ്പി​ക്കു​ന്നി​ല്ലെ​ങ്കി​ൽ, എ​ന്നെ ചും​ബി​ക്കു​ന്നി​ല്ലെ​ങ്കി​ൽ, അ​ത്യാ​വ​ശ്യ​ത്തി​നു മാ​ത്ര​മേ ര​ണ്ടു​വാ​ക്കു സം​സാ​രി​ക്കു​ന്നു​ള്ളൂ​വെ​ങ്കി​ൽ ഞാ​ന​ത് ദൈ​വ​ത്തെ​പ്ര​തി ക്ഷ​മി​ച്ചോ​ളാം.

എ​ങ്കി​ലും ഈ ​അ​ക​ൽ​ച്ച ഞ​ങ്ങ​ൾ ഇ​രു​വ​രു​മ​ല്ലാ​തെ മ​റ്റാ​രും അ​റി​യ​രു​ത്. എ​ത്ര​നാ​ൾ ഇ​തു മൂ​ടി​വ​യ്ക്കും? ഈ ​അ​ഭി​ന​യം എ​ങ്ങ​നെ തു​ട​രാ​ൻ​പ​റ്റും? ഞ​ങ്ങ​ളു​ടെ വി​വാ​ഹം ഒ​രു പ​രാ​ജ​യ​മാ​ണോ? പാ​വ​ന​ബ​ന്ധം മൂ​ന്നു​മാ​സ​മാ​യ​പ്പോ​ഴേ​ക്കും മു​റി​ഞ്ഞു​പോ​യോ? ഒ​രു കു​ട്ടി​യു​ടെ നി​ഷ്ക​ള​ങ്ക​ത​യോ​ടെ​യാ​ണ് ഞാ​ൻ മാ​ക്സി​മി​നെ സ്നേ​ഹി​ച്ച​ത്. അ​താ​യി​രി​ക്കി​ല്ല മാ​ക്സിം പ്ര​തീ​ക്ഷി​ച്ച​ത്. കൂ​ടു​ത​ൽ പ​ക്വ​ത​യും ചി​രി​യും സ്നേ​ഹ​വും മു​ന്പു ല​ഭി​ച്ച​തി​ന്‍റെ ഓ​ർ​മ മാ​ക്സി​മി​ൽ ത​ല​യു​യ​ർ​ത്തി​യോ? മ​രി​ച്ചു​പോ​യ റെ​ബേ​ക്ക ഇ​പ്പോ​ഴും മ​ന​സി​ലു​ണ്ടോ? അ​ങ്ങ​നെ മ​ന​സി​ലു​ണ്ടെ​ങ്കി​ൽ എ​ന്നെ സ്നേ​ഹി​ക്കാ​ൻ പ​റ്റി​ല്ല.

മി​സി​സ് ഡാ​ൻ​വേ​ഴ്സ് പ​റ​ഞ്ഞ​ത് റെ​ബേ​ക്ക ഇ​പ്പോ​ഴും പ​ടി​ഞ്ഞാ​റു​ഭാ​ഗ​ത്തെ മു​റി​യി​ൽ ഉ​ണ്ടെ​ന്നാ​ണ്. അ​വ​ളു​ടെ കാ​ല​ടി​ശ​ബ്ദം കേ​ൾ​ക്കു​ന്നു​ണ്ടെ​ന്നാ​ണ്. അ​വി​ടെ​മാ​ത്ര​മ​ല്ല, ലൈ​ബ്ര​റി​യി​ൽ, ഗാ​ല​റി​യി​ൽ, മോ​ണിം​ഗ് റൂ​മി​ൽ അ​ങ്ങ​നെ സ​ക​ല​യി​ട​ത്തും. വേ​ല​ക്കാ​ർ അ​വ​ളു​ടെ ക​ല്പ​ന​ക​ളാ​ണ് അ​നു​സ​രി​ച്ച​ത്. റെ​ബേ​ക്ക നി​ശ്ച​യി​ച്ച​തും അ​വ​ൾ ഇ​ഷ്ട​പ്പെ​ട്ട​തു​മാ​യ ഭ​ക്ഷ​ണ​മാ​ണ് എ​ന്നും ഇ​വി​ടെ വി​ള​ന്പു​ന്ന​ത്. ചു​രു​ക്ക​ത്തി​ൽ മി​സി​സ് മാ​ക്സിം ഞാ​ന​ല്ല, റെ​ബേ​ക്ക​യാ​ണ്.

അ​ന്നു ഗ്രാ​ൻ​ഡ്മ​ദ​റി​നെ കാ​ണാ​ൻ പോ​യ​പ്പോ​ൾ ""റെ​ബേ​ക്ക എ​വി​ടെ? എ​നി​ക്ക​വ​ളെ കാ​ണ​ണം'' എ​ന്നാ​ണ് പ​റ​ഞ്ഞ​ത്. ഞാ​ൻ ആ​രു​മ​ല്ല, ഒ​ന്നു​മ​ല്ല. മാ​ൻ​ഡെ​ർ​ലി​യി​ൽ എ​വി​ടെ​യും റെ​ബേ​ക്ക... റെ​ബേ​ക്ക! ഇ​വി​ട​ത്തെ ജാ​സ്പ്പ​ർ പോ​ലും അ​വ​ളു​ടെ​യാ​ണ്. ഇ​പ്പോ​ൾ ഞാ​ൻ ഓ​ർ​ക്കു​ന്നു- അ​ന്ന് വി​വാ​ഹ​വി​വ​രം മി​സി​സ് വാ​ൻ​ഹോ​പ്പ​റോ​ടു പ​റ​ഞ്ഞ​പ്പോ​ൾ ആ ​മാ​ഡം പ​റ​ഞ്ഞ​ത് "ഭാ​ര​മു​ള്ള ഒ​രു കു​രി​ശാ​ണ് നീ ​എ​ടു​ക്കാ​ൻ പോ​കു​ന്ന​തെ'​ന്നാ​ണ്. അ​ത് എ​ന്തു​ദ്ദേ​ശി​ച്ചാ​ണെ​ന്ന​റി​യി​ല്ല. ഇ​പ്പോ​ൾ അ​തി​ന്‍റെ ആ​ന്ത​രാ​ർ​ഥം ഞാ​ൻ മ​ന​സി​ലാ​ക്കു​ന്നു.

സ​മ​യം വ​ള​രെ​യാ​യി. ബെ​ഡ്റൂ​മി​ൽ ഇ​ങ്ങ​നെ​യി​രി​ക്കു​ന്ന​തി​ൽ അ​ർ​ഥ​മി​ല്ല. ഞാ​ൻ കു​ളി​ച്ചു ഡ്ര​സ് മാ​റി താ​ഴേ​ക്കി​റ​ങ്ങി. ഡൈ​നിം​ഗ് റൂ​മി​ൽ റോ​ബ​ർ​ട്ട് മേ​ശ തു​ട​ച്ചു​വൃ​ത്തി​യാ​ക്കു​ന്ന​തു​ക​ണ്ട് അ​ങ്ങോ​ട്ടു​ചെ​ന്നു.
""ഗു​ഡ് മോ​ണിം​ഗ് റോ​ബ​ർ​ട്ട്.''
""ഗു​ഡ് മോ​ണിം​ഗ് മാ​ഡം.''

""മാ​ക്സി​മി​നെ എ​വി​ടെ​യെ​ങ്കി​ലും ക​ണ്ടോ?''
""സാ​റു നേ​ര​ത്തേ ബ്രേ​ക്ക്ഫാ​സ്റ്റ് ക​ഴി​ച്ച് എ​ങ്ങോ​ട്ടോ പോ​യി.''
""എ​ങ്ങോ​ട്ടാ പോ​യ​തെ​ന്ന​റി​യാ​മോ?''
""അ​റി​യി​ല്ല മാ​ഡം.''

ഞാ​ൻ ഹാ​ളി​ലേ​ക്കു തി​രി​ച്ചു​പോ​യി മോ​ണിം​ഗ് റൂ​മി​ലേ​ക്കു ന​ട​ന്ന​പ്പോ​ൾ ജാ​സ്പ്പ​ർ ഓ​ടി​യെ​ത്തി വാ​ലാ​ട്ടി​ക്കൊ​ണ്ടു സ​ന്തോ​ഷം പ്ര​ക​ടി​പ്പി​ച്ചു. സ​മ​യം​ക​ള​യാ​തെ ഞാ​ൻ എ​സ്റ്റേ​റ്റ് ഓ​ഫീ​സി​ലേ​ക്കു ഫോ​ണ്‍ വി​ളി​ച്ചു. ക്ലാ​ർ​ക്ക് പ​റ​ഞ്ഞു: ""സാ​റ് ഇ​വി​ടെ​യി​ല്ല. ഫ്രാ​ങ്ക് സാ​റു​ണ്ട്. കൊ​ടു​ക്ക​ണോ?''

""ഒ​ന്നു കൊ​ടു​ക്കൂ.''
""ഹ​ലോ മാ​ഡം!''
""ഫ്രാ​ങ്ക്! മാ​ക്സിം എ​വി​ടെ?''
""അ​റി​യി​ല്ല മാ​ഡം. കാ​ല​ത്ത് ഇ​ങ്ങോ​ട്ടു വ​ന്നി​ട്ടി​ല്ല.''
""ബ്രേ​ക്ക്ഫാ​സ്റ്റി​നു ക​ണ്ടു​മു​ട്ടി​യി​ല്ലേ?''
""ഞാ​ൻ ഉ​റ​ക്ക​ത്തി​ൽ​പ്പെ​ട്ടു​പോ​യി.''
""ഒ​രു​പ​ക്ഷേ സാ​റു ന​ട​ക്കാ​ൻ പോ​യി​ക്കാ​ണും.''

ഉ​ത്ക​ട​മാ​യ വ്യ​സ​ന​ത്തോ​ടെ ഞാ​ൻ പ​റ​ഞ്ഞു: ""മാ​ക്സിം ഇ​ന്ന​ലെ രാ​ത്രി ബെ​ഡ്റൂ​മി​ൽ വ​ന്നി​ട്ടി​ല്ല.''
""ഓ! ​അ​ങ്ങ​നെ​യാ​ണോ?''
""എ​വി​ടെ പോ​കാ​നാ​ണ് സാ​ധ്യ​ത?''
""ഒ​ന്നും എ​നി​ക്ക​റി​യി​ല്ല മാ​ഡം.''

ഞാ​ൻ പെ​ട്ടെ​ന്നു ഫോ​ണ്‍ വ​ച്ചു. എ​ന്‍റെ മ​ന​സാ​കെ ക​ല​ങ്ങി​മ​റി​യു​ന്നു. മാ​ക്സിം തി​രി​ച്ചു​വ​രി​ല്ലേ? എ​ന്‍റെ ഭ​യം വ​ർ​ധി​ക്കു​ന്നു. ഗ​തി​മു​ട്ടി​യ​പ്പോ​ൾ ദൈ​വാ​ശ്ര​യ​ബോ​ധം എ​ന്‍റെ മ​ന​സി​നെ സ​മാ​ധാ​നി​പ്പി​ച്ചു.
ഞാ​ൻ തി​രി​കേ മു​ക​ളി​ലേ​ക്കു ക​യ​റി. ഇ​ന്ന​ലെ വി​ജ​യ​ശ്രീ​ലാ​ളി​ത​യാ​യി നോ​ക്കി​നി​ന്ന ആ ​സ്ത്രീ​യു​ടെ രാ​ക്ഷ​സ​മു​ഖം​ക​ണ്ട ജ​നാ​ല​ഭാ​ഗ​ത്തേ​ക്ക് സ്വാ​ഭാ​വി​ക​മാ​യി നോ​ക്കി. അ​ത് അ​ട​ഞ്ഞു​കി​ട​ക്കു​ന്നു.
ടെ​റ​സി​ൽ നി​ന്നു​കൊ​ണ്ട് ഞാ​ൻ ശ്ര​ദ്ധി​ച്ചു.

അ​താ പെ​ട്ടെ​ന്ന് കാ​ലാ​വ​സ്ഥ​യ്ക്കും അ​ന്ത​രീ​ക്ഷ​ത്തി​നും ഒ​രു മാ​റ്റം. സൂ​ര്യ​ന്‍റെ വെ​ളി​ച്ചം മ​ങ്ങു​ന്നു. അ​ന്ത​രീ​ക്ഷം ക്ര​മേ​ണ ഇ​രു​ണ്ടു​വ​രു​ന്നു. ക​ട​ലി​ന്‍റെ ഭാ​ഗ​ത്തു​നി​ന്ന് ബാ​ഷ്പ​ക​ണ​ങ്ങ​ളോ​ടു​കൂ​ടി​യ മൂ​ട​ൽ​മ​ഞ്ഞ് ക​ര​യി​ലേ​ക്കു നീ​ങ്ങി​നീ​ങ്ങി​യ​ടു​ക്കു​ന്നു. കാ​ടു​പി​ടി​ച്ച ചെ​ടി​ക​ളും മ​ര​ങ്ങ​ളും മ​ഞ്ഞു​മൂ​ടി അ​വ്യ​ക്ത​മാ​കു​ന്നു. ഇ​ന്ന​ലെ അ​ല്പം മൂ​ട​ൽ​മ​ഞ്ഞ് അ​ന്ത​രീ​ക്ഷ​ത്തി​ൽ ദൃ​ശ്യ​മാ​യെ​ങ്കി​ലും പ​രി​പാ​ടി​ക​ളെ​യും മ​റ്റു ച​ട​ങ്ങു​ക​ളെ​യും വെ​ടി​മ​രു​ന്നു​പ്ര​യോ​ഗ​ത്തെ​യും അ​തു ബാ​ധി​ച്ചി​ല്ല. ഈ ​മ​ഞ്ഞു​വീ​ഴ്ച ഇ​ന്ന​ലെ​യാ​വാ​ത്ത​ത് എ​ത്ര​യോ അ​നു​ഗ്ര​ഹ​മാ​യി.

നോ​ക്കി​നോ​ക്കി​നി​ൽ​ക്കേ മൂ​ട​ൽ​മ​ഞ്ഞ് ക​നം​വ​ച്ച് വീ​ടി​നോ​ട​ടു​ക്കു​ന്നു. ആ​രെ​യും പ​ര​സ്പ​രം കാ​ണാ​നാ​വാ​ത്ത അ​വ​സ്ഥ. ക​ട്ടി​യാ​യ പു​ക പ​ര​ക്കു​ന്ന​പോ​ലെ മ​ഞ്ഞു കു​തി​ച്ചെ​ത്തു​ന്നു. ജ​നാ​ല​ച്ചി​ല്ലു​ക​ൾ എ​ല്ലാം പു​ക​പു​ര​ണ്ട​പോ​ലെ​യാ​യി. ഈ​ർ​പ്പം ക​ല​ർ​ന്ന പു​ക​മ​ഞ്ഞ്. പ​ടി​ഞ്ഞാ​റു​ഭാ​ഗ​ത്തെ ബെ​ഡ്റൂ​മി​ന​ടു​ത്ത് ആ​രോ നി​ന്നു താ​ഴെ ലോ​ണി​ലേ​ക്കു നോ​ക്കു​ക​യാ​ണ്. ആ​രെ​ന്നു വ്യ​ക്ത​മ​ല്ല. ഉ​ൾ​ഭ​യ​ത്തോ​ടെ നോ​ക്കി. മാ​ക്സി​മാ​ണോ നി​ൽ​ക്കു​ന്ന​ത്? കു​റേ​ക്കൂ​ടി സൂ​ക്ഷി​ച്ചു​നോ​ക്കി​യ​പ്പോ​ൾ മി​സി​സ് ഡാ​ൻ​വേ​ഴ്സ്! അ​പ്പോ​ഴും ലോ​ണി​ലേ​ക്കു​ത​ന്നെ നോ​ക്കി​നി​ൽ​ക്കു​ന്നു. ഞാ​ൻ വി​ളി​ച്ചു: ""മി​സി​സ് ഡാ​ൻ​വേ​ഴ്സ്!'' ഇ​തി​ന​കം ഞാ​ൻ ബെ​ഡ്റൂ​മി​ന്‍റെ വാ​തി​ൽ തു​റ​ന്നു- റെ​ബേ​ക്ക​യു​ടെ ബെ​ഡ്റൂ​മി​ന്‍റെ.

അ​വ​ർ നേ​രി​യ ന​ടു​ക്ക​ത്തോ​ടെ തി​രി​ഞ്ഞു​നോ​ക്കി. പി​ന്നെ മു​ന്നോ​ട്ടു​വ​ന്നു. ""ഇ​ന്ന​ത്തെ മെ​നു പ​തി​വു​പോ​ലെ മേ​ശ​പ്പു​റ​ത്തു വ​ച്ചി​ട്ടു​ണ്ട് മാ​ഡം. മാ​റ്റ​ങ്ങ​ൾ എ​ന്തെ​ങ്കി​ലും വേ​ണ​മെ​ങ്കി​ൽ...''
""മി​സി​സ് ഡാ​ൻ​വേ​ഴ്സ്! ഞാ​നി​പ്പോ​ൾ വ​ന്ന​ത് മെ​നു​വി​നെ​ക്കു​റി​ച്ചു സം​സാ​രി​ക്കാ​ന​ല്ല. അ​തു നി​ങ്ങ​ൾ​ക്ക​റി​യാം, ഇ​ല്ലേ?''

എ​ന്‍റെ മു​ഖ​ത്തേ​ക്ക് അ​വ​ർ ഇ​മ​വെ​ട്ടാ​തെ നോ​ക്കി. ഗൗ​ര​വ​സ്വ​ര​ത്തി​ൽ ഞാ​ൻ പ​റ​ഞ്ഞു: ""നി​ങ്ങ​ൾ ഉ​ള്ളി​ൽ എ​ന്താ​ഗ്ര​ഹി​ച്ചു​വോ അ​തു ന​ട​ത്തി. ഇ​ങ്ങ​നെ​ത​ന്നെ സം​ഭ​വി​ക്കു​മെ​ന്നു മു​ൻ​കൂ​ട്ടി നി​ശ്ച​യി​ച്ചു. തൃ​പ്തി​യാ​യി​ല്ലേ? സ​ന്തോ​ഷ​മാ​യി​ല്ലേ?''

അ​വ​രു​ടെ മു​ഖം രൗ​ദ്ര​ഭാ​വം​പൂ​ണ്ടു. അ​തി​രൂ​ക്ഷ​മാ​യി എ​ന്നെ​നോ​ക്കി​യി​ട്ടു പു​ല​ന്പി: ""മാ​ൻ​ഡെ​ർ​ലി​യി​ലേ​ക്കു നി​ങ്ങ​ൾ എ​ന്തി​നു​വ​ന്നു? നി​ങ്ങ​ളെ ഇ​വി​ടെ ആ​ർ​ക്കും വേ​ണ്ട. നി​ങ്ങ​ൾ വ​രു​ന്ന​തു​വ​രെ ഇ​വി​ടെ സ്വ​സ്ഥ​ത​യും സ​മാ​ധാ​ന​വു​മാ​യി​രു​ന്നു. വ​ന്ന സ്ഥ​ല​ത്തേ​ക്കു​ത​ന്നെ തി​രി​ച്ചു​പൊ​യ്ക്കൂ​ടേ?''
""ഞാ​ൻ മാ​ക്സി​മി​നെ അ​ഗാ​ധ​മാ​യി സ്നേ​ഹി​ക്കു​ന്നു​ണ്ട്. അ​തു നി​ങ്ങ​ൾ മ​റ​ന്നു.''

""അ​ങ്ങ​നെ സ്നേ​ഹി​ക്കു​ന്നു​ണ്ടെ​ങ്കി​ൽ സാ​റി​നെ നി​ങ്ങ​ൾ ഒ​രി​ക്ക​ലും വി​വാ​ഹം ചെ​യ്യി​ല്ലാ​യി​രു​ന്നു.''
ഇ​തി​നെ​ന്തു മ​റു​പ​ടി പ​റ​യ​ണ​മെ​ന്ന​റി​യാ​തെ ഞാ​ൻ കു​ഴ​ങ്ങി. അ​വ​ർ തു​ട​ർ​ന്നു: ""നി​ങ്ങ​ളെ വെ​റു​ക്ക​ണ​മെ​ന്ന് ആ​ദ്യം തോ​ന്നി. ഇ​പ്പോ​ൾ അ​തി​ല്ല.''
""നി​ങ്ങ​ൾ എ​ന്തി​ന് എ​ന്നെ വെ​റു​ക്ക​ണം? അ​തി​നു ത​ക്ക​താ​യി ഞാ​നെ​ന്താ നി​ങ്ങ​ൾ​ക്കു ചെ​യ്ത​ത്?''
""മി​സി​സ് മാ​ക്സി​മി​ന്‍റെ സ്ഥാ​നം നി​ങ്ങ​ൾ ഏ​റ്റെ​ടു​ത്തു.''
""മി​സി​സ് മാ​ക്സിം ഇ​പ്പോ​ൾ ഞാ​നാ​ണ്. മ​രി​ച്ചു​പോ​യ നി​ന്‍റെ റെ​ബേ​ക്ക​യ​ല്ല.''
ജ്വ​ലി​ക്കു​ന്ന ക​ണ്ണു​ക​ളോ​ടെ എ​ന്നെ നോ​ക്കി. ഞാ​ൻ വി​ട്ടി​ല്ല.

""ഒ​ട്ട​ന​വ​ധി ആ​ളു​ക​ൾ ര​ണ്ടാം വി​വാ​ഹം ന​ട​ത്തു​ന്നു- ആ​ണും പെ​ണ്ണും. നൂ​റു​ക​ണ​ക്കി​നു ര​ണ്ടാം വി​വാ​ഹ​ങ്ങ​ൾ രാ​ജ്യ​ത്തു ന​ട​ക്കു​ന്നു. എ​ന്നി​ട്ട് മാ​ക്സിം എ​ന്നെ വി​വാ​ഹം ക​ഴി​ച്ച​തു​മാ​ത്രം വ​ലി​യ ക്രി​മി​ന​ൽ കു​റ്റ​മാ​യി കാ​ണു​ന്നു. മ​രി​ച്ചു​പോ​യ ആ​ളോ​ടു ചെ​യ്ത അ​പ​രാ​ധ​മാ​യി എ​ണ്ണു​ന്നു. മ​റ്റു​ള്ള​വ​രെ​പ്പോ​ലെ സ​ന്തോ​ഷ​മാ​യി ജീ​വി​ക്കാ​ൻ ഞ​ങ്ങ​ൾ​ക്ക​വ​കാ​ശ​മി​ല്ലേ? സ​മാ​ധാ​ന​മാ​യി ക​ഴി​യാ​ൻ അ​ർ​ഹ​ത​യി​ല്ലേ?''
""മാ​ക്സിം സാ​റ് ഒ​ട്ടും സ​ന്തോ​ഷ​വാ​ന​ല്ല. ഒ​രു​ത​രം ന​ര​ക​യാ​ത​ന​യി​ലാ​ണ്- എ​ന്‍റെ മാ​ഡം പോ​യ​ശേ​ഷം...''
""സ​ത്യ​മാ​യും ആ ​അ​വ​സ്ഥ ഉ​ണ്ടാ​ക്കി​യ​ത് നി​ങ്ങ​ളാ​ണ്. നി​ങ്ങ​ളു​ടെ പൈ​ശാ​ചി​ക മ​ന​സാ​ണ്. റെ​ബേ​ക്ക ധ​രി​ച്ച മോ​ഡ​ൽ ഡ്ര​സ് എ​ന്നെ​ക്കൊ​ണ്ടു ധ​രി​പ്പി​ച്ച​ത് എ​ന്നെ സ​ന്തോ​ഷി​പ്പി​ക്കാ​ന​ല്ല. മാ​ക്സി​മി​നെ ദ്രോ​ഹി​ക്കാ​നാ​ണ്, വേ​ദ​നി​പ്പി​ക്കാ​നാ​ണ്. അ​ല്ലേ?''

""സാ​റി​ന്‍റെ വേ​ദ​ന​യെ​പ്പ​റ്റി മാ​ത്രം പ​റ​യു​ന്നു. എ​ന്നെ വേ​ദ​നി​പ്പി​ച്ച​തി​നെ​പ്പ​റ്റി ഒ​ന്നും പ​റ​യാ​നി​ല്ല? റെ​ബേ​ക്ക​യു​ടെ ക​സി​ൻ ആ​യ, എ​ന്‍റെ ബ​ന്ധു​വാ​യ ഫാ​വെ​ൽ ഇ​വി​ടെ വ​ന്ന​തി​ന്‍റെ പേ​രി​ൽ ഇ​വി​ടെ​യു​ണ്ടാ​യ ഭൂ​ക​ന്പം എ​ന്താ​യി​രു​ന്നു? എ​നി​ക്കു വാ​ണിം​ഗ് ത​രാ​ൻ​മാ​ത്രം ഇ​വി​ടെ എ​ന്തു​ണ്ടാ​യി? അ​ട​ച്ചി​ട്ട മു​റി​യി​ൽ സാ​റ് അ​ങ്ങോ​ട്ടും ഇ​ങ്ങോ​ട്ടും ന​ട​ന്നു​കൊ​ണ്ട് എ​ന്നെ വി​സ്ത​രി​ക്കു​ക​യാ​യി​രു​ന്നു.''

""മ​തി പ​റ​ഞ്ഞ​ത്. എ​നി​ക്കി​തൊ​ന്നും കേ​ൾ​ക്കേ​ണ്ട.''
""എ​ന്‍റെ മാ​ഡ​ത്തി​നെ​പ്പ​റ്റി എ​നി​ക്കു പ​റ​യാ​തി​രി​ക്കാ​നാ​വി​ല്ല. അ​വ​ൾ എ​ന്‍റെ സ്വ​ന്ത​മാ​ണ്. പ​ള്ളി​ക്ക​ല്ല​റ​യി​ൽ കി​ട​ക്കു​ക​യാ​ണെ​ങ്കി​ലും അ​വ​ൾ ഇ​ന്നും ഈ ​വീ​ട്ടി​ൽ വ​രു​ന്നു. സാ​റി​നെ സ​ന്ദ​ർ​ശി​ക്കു​ന്നു​ണ്ടെ​ന്ന് സാ​റു മ​ന​സി​ലാ​ക്കു​ന്നു. റെ​ബേ​ക്ക മാ​ഡം ജീ​വി​ച്ചി​രു​ന്ന​പ്പോ​ൾ സാ​റ് എ​ല്ലാ സ്വാ​ത​ന്ത്ര്യ​വും അ​നു​വ​ദി​ച്ചി​രു​ന്നു. അ​വ​ൾ ആ​ഗ്ര​ഹി​ച്ച​തു​പോ​ലെ ജീ​വി​ച്ചു. ഇ​ഷ്ട​മു​ള്ള​തെ​ല്ലാം പ്ര​വ​ർ​ത്തി​ച്ചു. സ്വ​ത​ന്ത്ര​മാ​യി സ​ഞ്ച​രി​ച്ചു. ഒ​ന്നി​നെ​യും കൂ​സി​യി​ല്ല. അ​വ​സാ​നം അ​വ​ൾ തോ​റ്റു. അ​വ​ളെ തോ​ല്പി​ച്ചു. തോ​ല്പി​ച്ച​ത് ഒ​രു പു​രു​ഷ​ന​ല്ല. ഒ​രു സ്ത്രീ​യ​ല്ല. ക​ട​ൽ അ​വ​ളെ തോ​ല്പി​ച്ചു. ക​ട​ൽ അ​വ​ളെ കൊ​ണ്ടു​പോ​യി.''

സ​ങ്ക​ട​മൊ​തു​ക്കാ​നാ​വാ​തെ മി​സി​സ് ഡാ​ൻ​വേ​ഴ്സ് പൊ​ട്ടി​ക്ക​ര​ഞ്ഞു. ഞാ​ൻ ആ​ശ്വ​സി​പ്പി​ച്ചെ​ങ്കി​ലും ക​ര​ച്ചി​ൽ നി​ർ​ത്തി​യി​ല്ല. അ​ല്പം​ക​ഴി​ഞ്ഞ് ക​ണ്ണു​ക​ൾ തു​ട​ച്ചി​ട്ടു പ​റ​ഞ്ഞു: ""മ​ര​ണ​വാ​ർ​ത്ത അ​റി​ഞ്ഞ​പ്പോ​ഴും സാ​റു ദുഃ​ഖി​ത​നാ​യി ലൈ​ബ്ര​റി​യി​ൽ അ​ങ്ങോ​ട്ടും ഇ​ങ്ങോ​ട്ടും ന​ട​ക്കു​ക​യാ​യി​രു​ന്നു.''
ക്ഷ​മ​യ​റ്റ് ഞാ​ൻ പ​റ​ഞ്ഞു: ""എ​ല്ലാം ഞാ​ൻ കേ​ട്ടു. മ​തി. ന​മു​ക്കി​വി​ടെ നി​ർ​ത്താം.''

മി​സി​സ് ഡാ​ൻ​വേ​ഴ്സ് എ​ന്‍റെ തൊ​ട്ട​രി​കി​ലേ​ക്കു വ​ന്നു. അ​വ​രു​ടെ മു​ഖം എ​ന്‍റെ മു​ഖ​ത്തോ​ടു തൊ​ട്ടു​നി​ന്നു. അ​വ​രു​ടെ സ്ഥി​രം ക​റു​ത്ത​വേ​ഷ​വും ത​ല​യോ​ടി​ന്‍റെ നി​റ​മു​ള്ള മു​ഖ​വും ഒ​രു പി​ശാ​ച് സ​മീ​പം നി​ൽ​ക്കു​ന്ന​തു​പോ​ലെ തോ​ന്നി​ച്ചു. അ​വ​ർ പ​റ​ഞ്ഞു: ""മാ​ഡം റെ​ബേ​ക്ക മാ​ഡ​ത്തി​നു ല​ഭി​ച്ച​തി​നേ​ക്കാ​ൾ മെ​ച്ച​പ്പെ​ട്ട​താ​യി ഒ​ന്നും പ്ര​തീ​ക്ഷി​ക്കേ​ണ്ട. മി​സി​സ് മാ​ക്സിം ഇ​പ്പോ​ഴും റെ​ബേ​ക്ക മാ​ഡ​മാ​ണ്, നി​ങ്ങ​ള​ല്ല. നി​ങ്ങ​ൾ വെ​റും നി​ഴ​ലും പ്രേ​ത​വു​മാ​ണ്. മാ​ൻ​ഡെ​ർ​ലി​വി​ട്ട് നി​ങ്ങ​ൾ​ക്കു പൊ​യ്ക്കൂ​ടേ? എ​ന്തു​കൊ​ണ്ടു നി​ങ്ങ​ൾ പോ​കു​ന്നി​ല്ല?''

ഞാ​ൻ അ​വ​രി​ൽ​നി​ന്ന് അ​ക​ന്ന് ജ​നാ​ല​യ്ക്ക​രി​കി​ലേ​ക്കു മാ​റി. അ​വ​ർ എ​ന്‍റെ കൈ​ത്ത​ണ്ട​യി​ൽ മു​റു​കെ​പ്പി​ടി​ച്ചു​കൊ​ണ്ട് വീ​ണ്ടും ചോ​ദി​ച്ചു: ""എ​ന്തു​കൊ​ണ്ടു നി​ങ്ങ​ൾ പോ​കു​ന്നി​ല്ല? ഞ​ങ്ങ​ൾ​ക്കാ​ർ​ക്കും നി​ങ്ങ​ളെ വേ​ണ്ട. സാ​റി​ന് അ​വ​ളെ മ​റ​ക്കാ​ൻ ക​ഴി​യി​ല്ല. അ​ദ്ദേ​ഹം ഇ​വി​ടെ ഏ​ക​നാ​യി വീ​ണ്ടും അ​വ​ളോ​ടൊ​പ്പം ക​ഴി​യാ​ൻ ആ​ഗ്ര​ഹി​ക്കു​ന്നു. പ​ള്ളി​യി​ലെ ക​ല്ല​റ​യി​ൽ കി​ട​ക്കേ​ണ്ട​തു നി​ങ്ങ​ളാ​ണ്, അ​വ​ള​ല്ല. മ​രി​ക്കേ​ണ്ട​ത് നി​ങ്ങ​ളാ​ണ്, അ​വ​ള​ല്ല.''

തു​റ​ന്നു​കി​ട​ക്കു​ന്ന വ​ലി​യ ജ​നാ​ല​യി​ലേ​ക്ക് എ​ന്നെ ബ​ല​മാ​യി ത​ള്ളി. താ​ഴെ ചാ​ര​നി​റ​മു​ള്ള ക​ട്ടി​യേ​റി​യ പു​ക​മ​ഞ്ഞു മൂ​ടി​യ ടെ​റ​സ് എ​നി​ക്കു കാ​ണാം.
""ദാ, ​അ​വി​ടെ താ​ഴേ​ക്കു നോ​ക്കൂ. വ​ള​രെ എ​ളു​പ്പ​മാ​ണ്. എ​ളു​പ്പ​മ​ല്ലേ? ചാ​ടൂ!.. എ​ന്തു​കൊ​ണ്ടു ചാ​ടു​ന്നി​ല്ല? എ​ല്ലാം പെ​ട്ടെ​ന്ന് അ​വ​സാ​നി​ക്കും. മു​ങ്ങി​മ​ര​ണം പോ​ലെ​യ​ല്ല.. എ​ന്തു​കൊ​ണ്ടു ശ്ര​മി​ക്കു​ന്നി​ല്ല?... ഉം... ​ചാ​ടൂ!''

ജ​നാ​ല​ഭാ​ഗ​ത്തേ​ക്ക് മൂ​ട​ൽ​മ​ഞ്ഞ് ശ​ക്ത​മാ​യി ത​ള്ളി​വ​ന്നു​കൊ​ണ്ടി​രി​ക്കു​ന്നു. എ​ന്‍റെ മു​ഖ​ത്തും ദേ​ഹ​ത്തും അ​തു ത​ട്ടു​ന്നു​ണ്ട്. ഞാ​ൻ വേ​ഗം ജ​നാ​ല​പ്പ​ടി​യി​ൽ മു​റു​കെ​പ്പി​ടി​ച്ചു. അ​വ​ർ എ​ന്നെ ശ​ക്ത​മാ​യി വീ​ണ്ടും പ്രേ​രി​പ്പി​ക്കു​ക​യാ​ണ്.

""ഭ​യ​പ്പെ​ടേ​ണ്ട. ഞാ​ൻ മാ​ഡ​ത്തി​നെ ത​ള്ളി​യി​ടു​ക​യി​ല്ല. ഞാ​നി​ങ്ങോ​ട്ടു മാ​റി​നി​ൽ​ക്കാം. സ്വ​ന്തം ഇ​ഷ്ട​ത്താ​ൽ നി​ങ്ങ​ൾ​ക്കു ചാ​ടാം. മാ​ൻ​ഡെ​ർ​ലി​യി​ൽ നി​ങ്ങ​ളെ ആ​വ​ശ്യ​മി​ല്ല. നി​ങ്ങ​ൾ​ക്കാ​ണെ​ങ്കി​ൽ സ​ന്തോ​ഷ​മി​ല്ല. സാ​റു നി​ങ്ങ​ളെ സ്നേ​ഹി​ക്കു​ന്നി​ല്ല. പി​ന്നെ എ​ന്തു ജീ​വി​തം? ശ​ങ്കി​ക്കാ​തെ ചാ​ടൂ.. ഒ​ട്ടും ഭ​യ​പ്പെ​ടേ​ണ്ട..!''
മി​സി​സ് ഡാ​ൻ​വേ​ഴ്സ് എ​ന്ന ദു​ർ​ഭൂ​തം വാ​ശി​യോ​ടെ എ​ന്നെ പ്രേ​രി​പ്പി​ക്കു​ന്നു. ഞാ​ൻ ക​ണ്ണു​ക​ൾ പൂ​ട്ടി​യ​ട​ച്ചു.

ജ​നാ​ല​പ്പ​ടി​യി​ൽ മു​റു​കെ​പ്പി​ടി​ച്ച എ​ന്‍റെ കൈ ​വേ​ദ​നി​ക്കു​ന്നു. എ​നി​ക്കു ത​ല​ക​റ​ങ്ങു​ന്ന​തു​പോ​ലെ തോ​ന്നി. ഈ ​നി​മി​ഷ​ത്തി​ൽ എ​ന്‍റെ ത​ല​ച്ചോ​റി​ൽ ഒ​രു പ്ര​കാ​ശ​ര​ശ്മി ക​ട​ന്നു​വ​ന്ന​തു​പോ​ലെ! അ​തോ​ടെ എ​ന്‍റെ ചി​ന്ത മാ​റി. മാ​ക്സിം എ​ന്നെ സ്നേ​ഹി​ക്കു​ന്നി​ല്ലെ​ന്നും, ഞാ​ൻ അ​സ​ന്തു​ഷ്ട​യാ​ണെ​ന്നു​മു​ള്ള ചി​ന്ത എ​ന്നി​ൽ​നി​ന്നു വി​ട്ട​ക​ന്നു. റെ​ബേ​ക്ക എ​ന്ന പേ​ര് ഞാ​ൻ മ​റ​ക്കാ​ൻ​തു​ട​ങ്ങി. മേ​ലി​ൽ ആ ​പേ​ര് ഓ​ർ​ക്കി​ല്ലെ​ന്നും ഉ​ള്ളി​ലു​റ​പ്പി​ച്ചു. മാ​ക്സിം എ​ന്‍റെ മാ​ത്ര​മാ​ണെ​ന്ന് എ​ന്‍റെ അ​ന്ത​രം​ഗം എ​ന്നോ​ടു മ​ന്ത്രി​ച്ചു.

ഈ ​പ്ര​ത്യേ​ക മു​ഹൂ​ർ​ത്ത​ത്തി​ൽ കി​ടി​ലം​കൊ​ള്ളി​ക്കു​ന്ന വ​ലി​യൊ​രു സ്ഫോ​ട​ന​മു​ണ്ടാ​യി. ഞ​ങ്ങ​ൾ നി​ന്നി​രു​ന്ന ഭാ​ഗ​ത്തെ ജ​നാ​ല കു​ലു​ങ്ങി. ചി​ല്ലു​ക​ൾ വി​റ​ച്ചു. കാ​ര്യ​മ​റി​യാ​തെ ഞാ​ൻ മി​സി​സ് ഡാ​ൻ​വേ​ഴ്സി​നെ നോ​ക്കി. അ​പ്പോ​ഴേ​ക്കും വീ​ണ്ടും അ​തേ സ്ഫോ​ട​നം ഒ​ന്നി​നു​പി​റ​കേ ഒ​ന്നാ​യി നാ​ലു​വ​ട്ടം. അ​വ അ​ന്ത​രീ​ക്ഷ​ത്തെ പ്ര​ക​ന്പ​നം​കൊ​ള്ളി​ച്ചു.

""എ​ന്താ കാ​ര്യം? എ​ന്താ സം​ഭ​വി​ച്ചി​രി​ക്കു​ന്ന​ത്?­­''- പ​രി​ഭ്രാ​ന്തി​യോ​ടെ ഞാ​ൻ തി​ര​ക്കി. അ​വ​ർ പ​റ​ഞ്ഞു: ""അ​തു റോ​ക്ക​റ്റു​ക​ളാ​ണ്. ക​ട​ൽ​ത്തീ​ര​ത്ത് ഏ​തോ ക​പ്പ​ൽ അ​പ​ക​ട​ത്തി​ൽ​പ്പെ​ട്ടു​കാ​ണും.''
മൂ​ട​ൽ​മ​ഞ്ഞി​ന്‍റെ ശ​ക്തി​കു​റ​ഞ്ഞു​തു​ട​ങ്ങി. അ​തി​നി​ട​യി​ലൂ​ടെ അ​താ ആ​രോ ഓ​ടി​ക്കി​ത​ച്ച് ക​യ​റി​വ​രു​ന്ന​തി​ന്‍റെ കാ​ലൊ​ച്ച കേ​ൾ​ക്കു​ന്നു. ആ​രാ​ണെ​ന്നു വ്യ​ക്ത​മ​ല്ല. അ​ടു​ത്തെ​ത്തി​യ​പ്പോ​ൾ അ​റി​ഞ്ഞു, ക​ണ്ടു. അ​തു മാ​ക്സിം! സ​ന്തോ​ഷം​കൊ​ണ്ടു ശ്വാ​സം നി​ല​ച്ച മ​ട്ടി​ലാ​യി ഞാ​ൻ. മാ​ക്സിം എ​ന്നെ കാ​ണു​ന്നി​ല്ല. വേ​വ​ലാ​തി​പൂ​ണ്ട​പോ​ലെ മു​ന്നോ​ട്ടു കു​തി​ക്കു​ക​യാ​ണ്. ഒ​പ്പം ""ഫ്രി​ത്ത്... ഫ്രി​ത്ത്...'' എ​ന്ന് ഉ​ച്ച​ത്തി​ൽ വി​ളി​ക്കു​ന്നു. ഹാ​ളി​ൽ​നി​ന്ന് ഫ്രി​ത്ത് വി​ളി​കേ​ട്ടു.

(തു​ട​രും)